அழுகை என்ன பால்?

தன் தீரா வலியை...
தீராக் கோபத்தை...
தீரா ஆசையை..
தீரா வருத்தங்களை...

அழுது தீர்த்து விடுகிறது..
குழந்தை.

காரியம் சாதிக்கும்
பெண்களும்...

எப்போதும்
கண்களில் கடலோடு
திரிகிறார்கள்.

ஆணாயிருப்பவன்..
அழக்கூடாது..
என்பது

எந்த விதிக்குள் வரும்
எனத் தெரியவில்லை.

ஆமாம்!
அழுகைக்கு

ஆண்பால் கிடையாதா?
கவிஞர்களே!

இனிமையான காலங்கள் ♥

முதல் சந்திப்பில்
கண்களில் தொடங்கி
பெயரை தெரிந்து கொள்ள
ஏங்கும் படபடத்த மனது..

நீ பார்க்காத நேரத்தில்
உன்னைப் பார்த்த என் கண்கள்
நீ யார் என்றே தெரியாமல்
உன் ஆட்டோகிராப்
வாங்கிய நிமிடங்கள்..

முதல் முதலில்
தொலைபேசியில்
ஹலோ கேட்டதும்
கண்டுபிடித்துவிட்டதால்
துடிதுடித்த இதயம்.


பேசி பழகி ஒருவரை
ஒருவர் புரிந்தும்
சேரமுடியாமல்
தவித்த நிலை..

வருடங்கள் கடந்தாலும்
இன்றும் எதோ சந்தர்ப்பத்தில்
உன்னை நினைவு படுத்தும்
சில இனிமையான நேரங்கள்..

உயிர் உள்ளவரை
உன் நினைவை தாங்கும்
சுகமான வலியும் இருக்கும்
என்னிடம் ...உன்னிலும்
இருந்தால் எங்கே இருந்தாலும்
நம்மை இணைக்கும் நம் காதல்..

பழிக்கு பழி

நீ என்னை
சாகடிக்கிறாய்...
நான் உன்னை
சாகடிக்கிறேன்....
சிகரெட்

அன்பின் முகவரி

சுடரொளியாய் பூமியில் நீக்கமற
தன்னலமில்லா சேவையின் மணிமகுடமாய்
எளிமையின் எளிமையாய் பழகுவதில்
இனிமையாய் பேசுவதில் கனிமையாய்
அளவற்ற தொண்டூழியத்தில் முன்மாதிரி
யானஅருட் சகோதரி இரக்கத்தின் உறைவிட
மேலானஅன் பிற்குமறு பொருளேயுன்
முகத்தில் சுருக்கங்கள் வந்தாலும்
தள்ளாது பதறாது மனம் குன்றாது
முகம் சுனங்கா தாமரையின்
இதழ் விரிபுன்னகை யோடுநின்
அரவணைப்பில் உறங்கிய ஆயிரமாயிரம்
ஆதரவில்லா உயிர்களின் புனிதன்னையாய்
நோயின்பிடி உடலுருகி மனமிறுகி
மரணத்தின் மடியில்தலைச் சாயுல்லூரை
நல்லாள்நின் கைக்கொண்டுபுனித மாக்கியவர்
கரையேறத் தொழுத சாந்தக் குணவதியே
வறியாரை நீதேடி கண்டோடி உதவினன்காள்
என்சொல்லி தமிழ்தேடி புகழ்வேனம்மா
உன்யுகம்வாழ் பிறந்ததேயென் புண்ணியமே!

தன்னிகரற்ற சேவையின் மூலம் உலகிலுள்ள மனிதநேயம் தழைத்திட தேவைபடுவோர்க்கு உதவிகள் செய்து, மக்களின் மனங்களில் நீங்கா தியாக சுடரை, எளியோரை தேடி தொண்டூழியம் செய்த அன்னை தெரேசா அவர்களை புகழ்பாட வார்த்தைகள் எதுவுமில்லை...

அமைதி புன்னகையில் தொடங்குகிறது; ஒருவரை ஒருவர் சந்திக்கும் போது புன்னகைப்போம், அன்பு அதிலிருந்து தொடங்குகிறது... அன்னை தெரேசா

காதல் கவிதை - மழை

மழை

============================
துளிக்குள் காதலின்
பளிங்கு உலகம்.

நனைந்த சங்கமத்தில்
"நாலாயிரத்திவ்ய பிரபந்தம்"

காத‌லர்க‌ள் மூடிக்கொண்ட‌ன‌ர்
த‌ண்ணீர் "லாவா"வுக்குள்.

காத‌ல‌ர்க‌ள் ந‌னைய
வான‌த்தின் "கிளிச‌ரின்" க‌ண்ணீர்.

இவ‌ர்க‌ளுக்கு ஊஞ்ச‌ல்..வான‌த்தின்
ப‌ஞ்சுமிட்டாய் இழையில்..

ம‌ழையின் முத்தத்தில்
முத்தத்தின் மழைக‌ள்.

என் இத‌ய‌ம் அவ‌ளுக்கு குடை.
அவ‌ள் இத‌ய‌மே என‌க்கு ம‌ழை.